హైకోర్టు తీర్పుపై అశోక్​గజపతి రాజుకు చంద్రబాబు అభినందనలు

తెదేపా పోలిట్​బ్యూరో సభ్యులు అశోక్ గజపతి రాజుకు.. పార్టీ అధినేత చంద్రబాబు చరవాణిలో అభినందనలు తెలిపారు. దేవాలయాల ధర్మకర్త కేసులో ఆయనకు అనుకూలంగా హైకోర్టు తీర్పు రావడం సంతోషంగా ఉందని పేర్కొన్నారు.

మాజీ కేంద్ర మంత్రి అశోక్ గజపతిరాజుకు అనుకూలంగా హైకోర్టు తీర్పు రావడంపై.. తెదేపా అధినేత చంద్రబాబు నాయుడు అబినందనలు తెలిపారు. విజయనగరం జిల్లాలోని పైడితల్లి, రామతీర్థం దేవస్థానాలతో పాటు తూర్పు గోదావరిలోని మండేశ్వర స్వామి ఆలయాలకు.. ఆయనను అనువంశిక ధర్మకర్తగా కొనసాగిస్తూ న్యాయస్థానం ఆదేశాలు జారీచేసింది. ఈ విషయమై గజపతిరాజుతో చరవాణిలో మాట్లాడిన చంద్రబాబు.. విజయం ఎప్పుడూ న్యాయాన్నే వరిస్తుందని గుర్తు చేశారు.

ఇదీ చదవండి: