లారీపై కుప్ప కూలిన భారీ వృక్షం

ఈదురు గాలులతో కూడిన వర్షం ప్రభావంతో.. లారీపై ఓ భారీ వృక్షం కుప్ప కూలింది. ఈ ఘటన విజయనగరం జిల్లా సాలూరులో జరిగింది. లారీ క్యాబిన్ పూర్తిగా ధ్వంసం కాగా.. ఆ మార్గంలో పెద్ద ఎత్తున వాహనాలు నిలిచిపోయాయి. విద్యుత్ సరఫరాకు తీవ్ర అంతరాయం కలిగింది.

విజయనగరం జిల్లా సాలూరు పట్టణంలో ఈదురు గాలులతో కూడిన వర్షం కురిసింది. భారీ వృక్షం.. మరమ్మతుల కోసం షెడ్​లో పెట్టిన లారీపై పడింది. 26వ జాతీయ రహదారిలో.. ప్రభుత్వ డిగ్రీ కళాశాల సమీపంలో ఉన్న లారీల మరమ్మతుల షెడ్​ వద్ద ఈ సంఘటన జరిగింది.

చెట్టు విరిగి పడిన కారణంగా... లారీ క్యాబిన్ పూర్తిగా ధ్వంసమైంది. ఆ ప్రాంతోలని విద్యుత్ తీగలు సైతం తెగి పడ్డాయి. ఫలితంగా.. చుట్టు పక్కల ప్రాంతాల్లో విద్యుత్ సరఫరా నిలిచిపోయింది. ఆ మార్గంలో ఇరువైపుల పెద్ద ఎత్తున వాహనాలు నిలిచిపోయాయి.

ఇవీ చూడండి: