ఆంధ్ర విశ్వవిద్యాలయం ఇంజనీరింగ్ క్యాంపస్ ముఖ ద్వారంపై అతి పెద్ద గడియారం
విశాఖ జిల్లా మద్దిలపాలెంలో ఆంధ్ర విశ్వవిద్యాలయం ఇంజినీరింగ్ క్యాంపస్ ముఖద్వారం వద్ద నూతన గడియారాన్ని(టవర్ క్లాక్) ఏర్పాటుచేశారు. రోటరీ క్లబ్ ప్రతినిధులు ఈ అతిపెద్ద గడియారాన్ని ఏర్పాటుచేశారు. ఆంధ్ర విశ్వవిద్యాలయ ఉపకులపతి ఆచార్య పీవీజీ ప్రసాద్ రెడ్డి ఈ గడియారాన్ని ప్రారంభించారు. విశాఖలో అత్యంత రద్దీగా ఉండే మద్దిలపాలెం కూడలిలో... ప్రజలకు ఈ గడియారం ఇక నుంచి సమయాన్ని తెలుపుతూ సేవలు అందించనుంది. వందలాది మంది విద్యార్థులకు విద్యనందిస్తున్న ఆంధ్ర విశ్వకళాపరిషత్ సమయపాలనకు స్ఫూర్తిగా ఈ గడియారాన్ని ఏర్పాటు చేసినట్టు ఉపకులపతి తెలిపారు.
