భారత మాజీ ప్రధాని పీవీ నరసింహారావు శతజయంతి వేడుకలపై విశాఖ శారదా పీఠాధిపతులు స్వరూపానందేంద్ర స్వామి స్పందించారు. తెలంగాణ ప్రభుత్వం పీవీ శతజయంతి వేడుకలను పెద్దఎత్తున నిర్వహించడం అభినందనీయమన్నారు. ఈ కార్యక్రమం ద్వారా సీఎం కేసీఆర్ తెలంగాణ చరిత్రలో చిరస్థాయిగా నిలుస్తారని కొనియాడారు.
పీవీకి విశాఖ శారదాపీఠం అంటే ఎంతో మక్కువని.. ఆ గౌరవంతోనే గతంలో సందర్శించారని స్వరూపానంద తెలిపారు. పీవీ సొంతూరు వంగర శివాలయంలో విగ్రహ ప్రతిష్ఠ తన చేతుల మీదుగా చేయించారని గుర్తుచేసుకున్నారు. ఆయన గొప్ప ఆర్ధికవేత్త మాత్రమే కాదు, ఆధ్యాత్మిక వేత్త అని స్వామి చెప్పారు.
ఇవీ చదవండి..
