పంచాయతీ ఎన్నికలు సజావుగా నిర్వహించేలా ప్రత్యేక చర్యలు తీసుకుంటున్నట్లు విశాఖ ఎస్పీ బి.కృష్ణారావు తెలిపారు. అనకాపల్లిలో పోలీసు అధికారులతో నిర్వహించిన సమీక్షా సమావేశంలో ఎస్పీ మాట్లాడారు. జిల్లాలోని సమస్యాత్మక ప్రాంతాలపై ప్రత్యేక నిఘా పెట్టాలని సూచించారు. గతంలో హింసాత్మక ఘటనలకు పాల్పడిన వారిపై బైండోవర్ కేసులు పెట్టాలని ఆదేశాలు జారీ చేశారు.
ఎన్నికల సమయంలో ఎలాంటి అవాంఛనీయ ఘటనలు జరగకుండా అప్రమత్తంగా ఉండాలని పోలీసులకు సూచించారు. ఎలక్షన్స్ పారదర్శకంగా నిర్వహించేలా ప్రత్యేక చర్యలు తీసుకుంటున్నట్లు తెలిపారు. ఈ సమావేశంలో ఏఎస్పీ తుసాన్ సిన్హా, అనకాపల్లి డీఎస్పీ శ్రావణి, దిశా పోలీస్ స్టేషన్ డీఎస్పీ మహేశ్వర రావు పాల్గొన్నారు.
ఇదీ చదవండి:
ఏకగ్రీవాల ప్రకటనలో రాజకీయం ఎక్కడుందో ఎస్‌ఈసీ చెప్పాలి: మంత్రి పెద్దిరెడ్డి
