అందుకే మే 3 వరకు దీక్ష కొనసాగుతుంది : కేఏ పాల్

హైకోర్టులో ప్రజా ప్రయోజన వ్యాజ్యం దాఖలు చేసేందుకు ఎవరికీ ధైర్యం లేదా? అని ప్రజాశాంతి పార్టీ అధ్యక్షుడు కేఏ పాల్ ప్రశ్నించారు. ఈ నేపథ్యంలో హైకోర్టులో తాను దాఖలు చేసిన పిల్​ను న్యాయస్థానం విచారించి తదుపరి విచారణను మే 3కు వాయిదా వేసిందని వెల్లడించారు. అప్పటివరకూ తన దీక్ష కొనసాగుతుందని ఆయన స్పష్టం చేశారు.

పది, ఇంటర్ పరీక్షల నిర్వహణ రద్దు కోసం హైకోర్టులో ప్రజా ప్రయోజన వ్యాజ్యం దాఖలు చేసినట్లు ప్రజాశాంతి పార్టీ అధ్యక్షుడు కేఏ పాల్ తెలిపారు. తన అభ్యర్థనపై న్యాయస్థానం విచారించిందని.. మే 3కు తదుపరి విచారణను వాయిదా వేసిందని పేర్కొన్నారు. ఫలితంగా మే 3 వరకు తాను చేపట్టిన నిరసన దీక్ష కొనసాగుతుందని ఆయన స్పష్టం చేశారు. రాష్ట్రంలో ఆలోచన లేని విద్యాశాఖ మంత్రి ఉన్నాడని.. ఆలోచన ఉంటే ఇలాంటి నిర్ణయం తీసుకోరని మండిపడ్డారు.

మీ అమ్మాయిలైతే ఇలాగే చేస్తారా ?

సీఎం జగన్ కరోనా ఉన్న పరీక్ష గదిలోకి తన కూతుళ్లను పంపిస్తారా అని పాల్ ప్రశ్నించారు. రాష్ట్ర వ్యాప్తంగా ఉన్న విద్యార్థిని, విద్యార్థుల మీద ముఖ్యమంత్రికి బాధ్యత లేదా వారు తన బిడ్డలు కాదా అని నిలదీశారు.

వాయిదా వేయాలని కోరుతున్నాం : కేఏ పాల్

దయచేసి పరీక్షలు వాయిదా వేయాలని ప్రభుత్వాన్ని మరోసారి కోరుతున్నట్లు పాల్ పేర్కొన్నారు. కరోనా కల్లోలం మూలానా బడి పిల్లలు, కళాశాల విద్యార్థుల ప్రాణాలతో చెలగాటం ఆడొద్దని.. పరీక్షలు తప్పనిసరిగా వాయిదా వేయాలని డిమాండ్ చేశారు.

ఇవీ చూడండి : సీఎం జగన్ రాష్ట్ర ఉనికిని ప్రశ్నార్థకం చేస్తున్నారు: పీసీసీ చీఫ్ శైలజానాథ్