జూన్ 16వ తేదీన ఏవోబీలోని(AOB) తీగలమెట్టలో జరిగిన దాడిని ఖండిస్తూ జూలై 1 తేదీన జోన్ వ్యాప్తంగా మావోయిస్ట్ పార్టీ బంద్కు (MAOISTS CALL FOR BANDH)పిలుపునిచ్చింది. ఈ నేపథ్యంలో విశాఖ మన్యంలో వాహనాల తనిఖీ ప్రక్రియ ముమ్మరంగా కొనసాగుతోంది. కొయ్యూరు, మంప పోలీస్ స్టేషన్ల పరిధిలోని అన్ని గ్రామాల్లో సీఆర్‌పీఎఫ్ జవాన్లు జల్లెడ పడుతున్నారు. అనుమానం వచ్చిన ప్రతి ఒక్కరిపై ఆరా తీస్తున్నారు. ఓ పక్క బంద్.. మరోపక్క పోలీసుల తనిఖీలు..మన్యంలో ఎప్పుడు ఎం జరుగుతుందోనని గిరిజనులు ప్రాణాలను అరచేతుల్లో పెట్టుకొని గడుపుతున్నారు.
సీఆర్‌పీఎఫ్ ఉన్నతాధికారుల పర్యటన..
మన్యంలో సీఆర్‌పీఎఫ్ ఉన్నతాధికారులు అద‌న‌పు డీజీ ర‌ష్మీ శుక్లా, ఐజీ మ‌హేశ్‌ చంద్ర లడ్డా నేతృత్వంలో అధికారుల మంగళవారం పర్యటించారు. మావోలు జులై 1న బంద్కు పిలుపునిచ్చిన నేపథ్యంలో అధికారుల పర్యటనకు ప్రాధాన్యత సంతరించుకుంది. అన్నవ‌రం, చింత‌ప‌ల్లి, జి.మాడుగులలోని సీఆర్‌పీఎఫ్ క్యాంపుల‌ను పరిశీలించారు. మన్యంలోని పరిస్థితులపై సీఆర్‌పీఎఫ్ జవాన్లతో సమీక్షించిన ఉన్నతాధికారులు.. తీసుకోవాల్సిన జాగ్రత్తలపై జవాన్లకు పలు సూచనలు చేశారు.
ఆరుగురు మావోయిస్టులు మృతి..
జూన్ 16న తీగలమెట్ట ఎదురుకాల్పుల్లో ఆరుగురు మావోయిస్టులు మృతి చెందగా..మరికొంత మంది మావోయిస్టులు గాయాలతో తప్పించుకున్నారు. దీంతో పోలీసులు గాలింపు చర్యలు ముమ్మరం చేశారు. ఎదురుకాల్పులు అనంత‌రం..విశాఖ-తూర్పు ఏజెన్సీలో పోలీసులు తనిఖీలు ముమ్మరం చేశారు. మావోయిస్టు స్థావ‌రాలపై నిఘా పెంచారు. గ‌త నెల‌లో పాల‌స‌ముద్రం వద్ద జరిగిన ఎదురుకాల్పుల సంఘ‌ట‌న నుంచి మావోయిస్టులు త‌ప్పించుకున్న‌ప్ప‌టికీ..అక్క‌డ ల‌భించిన స‌మాచారం తీగలమెట్ట వద్ద మావోలను అంతమొందించి విజయం సాధించారు. తాజాగా మావోయిస్టులు బంద్కు పిలుపునిచ్చిన నేపథ్యంలో పోలీసులు అప్రమత్తమయ్యారు.
ఇదీ చూడండి...
