నిత్యావసరాలు పంపిణీ చేసిన ఎంపీ మాధవి

అరకులోయ ఎంపీ మాధవి చింతపల్లి మండలం కోరుకొండ, బలపం పంచాయతీ గ్రామాల్లో పర్యటించారు. లాక్​డౌన్​ కారణంగా అక్కడ గిరిజనులు ఎదుర్కొంటున్న ఇబ్బందులు చూసి చలించిపోయిన ఆమె సొంత ఖర్చులతో కొనుగోలు చేసిన నిత్యావసరాలను వారికి పంపిణీ చేశారు.

విశాఖ మారుమూల మావోయిస్టు ప్రభావిత ప్రాంతాల్లో కరోనా లాక్​డౌన్​ కారణంగా గిరిజనులు సంతలు లేక, నిత్యావసరాలు దొరకక, ఆర్థిక ఇబ్బందులతో అవస్థలు పడుతున్నారు. కొద్ది రోజుల క్రితం ఈ విషయాన్ని గుర్తించిన ఎంపీ మాధవి తన సొంత డబ్బులతో ఎనిమిది వందల మందికి సరిపోయే 15 రకాల నిత్యావసరాలు ప్రత్యేకమైన వాహనంలో పంపించారు. చింతపల్లి మండలంలోని కుగ్రామాలైన కోరుకొండ, బలపం పంచాయతీల గ్రామాలకు స్థానిక కార్యకర్తల ద్వారా ఇంటింటికి ఈ నిత్యావసరాలు అందజేశారు. కొంత నగదు ఇచ్చి అవసరం ఉంటే ఖర్చు చేయాలని సూచించారు.

ఇవీ చూడండి...