విశాఖ జిల్లా చింతపల్లి మండలం లంబసింగి వద్ద రూ.20 లక్షల విలువ చేసే గంజాయిని అటవీ అధికారులు పట్టుకున్నారు. ముందస్తు సమాచారంతో లంబసింగి అటవీ చెక్పోస్టు వద్ద అధికారులు తనిఖీలు చేపట్టారు. ఒడిశాలోని మల్కాన్గిరి నుంచి విశాఖకు చిలగడ దుంపల లోడుతో వెళ్తున్న లారీని తనిఖీ చేయగా.. దుంపలు, అరటి గెలల కింద గంజాయి ఉన్నట్లు అధికారులు గుర్తించారు. లారీలో సుమారు 500 కిలోల గంజాయి ఉన్నట్లు వారు తెలిపారు. వాహన డ్రైవర్ను విచారిస్తుండగా అతను పరారైనట్లు సిబ్బంది చెప్పారు. స్వాధీనం చేసుకున్న గంజాయిని టాస్క్ఫోర్స్ పోలీసులకు అప్పగిస్తామని అటవీ సెక్షన్ అధికారి అప్పారావు పేర్కొన్నారు.
ఇదీచదవండి
