విశాఖపట్నం జిల్లా నక్కపల్లి మండలం దోసలపాడులో హత్య జరిగింది. మండలంలోని ముకుందరాజుపేట గ్రామానికి చెందిన ఎరుకొండ రమణ అనే వ్యక్తికి, దోసలపాడు గ్రామానికి చెందిన ఓ మహిళతో వివాహేతర సంబంధం ఉంది. శుక్రవారం రాత్రి మహిళ వద్దకు వెళ్లిన రమణ... ఆమెకు మరొకరితో చనువు ఉందన్న అనుమానంతో ఘర్షణకు దిగాడు. ఈ క్రమంలో ఆ యువకుడికి, రమణకు మధ్య వాగ్వాదం చోటు చేసుకుంది. ఈ ఘటనతో కోపోద్రిక్తుడైన యువకుడు...రమణను కర్రతో కొట్టటంతో అక్కడిక్కక్కడే మృతి చెందాడు. సమాచారం అందుకున్న పోలీసులు కేసు నమోదు చేసుకుని దర్యాప్తు చేస్తున్నట్టు స్థానిక ఎస్సై వెల్లడించారు.
ఇదీచదవండి.
