విశాఖ జిల్లా అనంతగిరి మండలం బురదగెడ్డలో దారుణం జరిగింది. మద్యం తాగేందుకు 'అమ్మ ఒడి' డబ్బులు ఇవ్వనందుకు భార్యను చంపాడు ఓ కిరాతకుడు. స్థానికులు తెలిపిన వివరాలిలా ఉన్నాయి.
గ్రామంలో తామల దేవుడమ్మ(36), భీమయ్య దంపతులు ఉంటున్నారు. 'అమ్మ ఒడి' పథకం కింద రాష్ట్ర ప్రభుత్వం అందించే నగదు దేవుడమ్మ అకౌంట్లో జమయ్యాయి. బుధవారం గుమ్మకోట సంత ప్రాంతానికి వెళ్లి తన అకౌంట్లోని నగదును ఆమె తీసుకుంది. అనంతరం మద్యం తాగేందుకు తనకు ఆ డబ్బులు ఇవ్వాలంటూ భార్య వెంటపడ్డాడు భీమయ్య. ఆమె ఒప్పుకోకపోవటంతో దారిపొడవునా కొట్టుకుంటూ వెళ్లాడు. ఈ ఘర్షణలో ఆమె మృత్యువాత పడిందని స్థానికులు తెలిపారు. వారి సమాచారంతో భీమయ్యను పోలీసులు అదుపులోకి తీసుకున్నారు. అనుమానాస్పద మృతిగా పోలీసులు కేసు నమోదు చేసి దర్యాప్తు చేస్తున్నారు.
ఇదీ చదవండి
