సిగ్నల్ వద్ద ఆగిన కార్లను ఢీకొట్టిన లారీ

విశాఖ జిల్లా కొత్తూరు జాతీయ రహదారిలో సిగ్నల్ వద్ద నిలిచిన వాహనాలను వేగంగా వచ్చిన లారీ ఢీ కొట్టింది. ఈ ప్రమాదంలో రెండు కార్లు ధ్వంసం అయ్యాయి. కార్లలో ఉన్న ప్రయాణికులు సురక్షితంగా బయటపడ్డారు. ఘటనపై అనకాపల్లి పట్టణ పోలీసులు కేసు నమోదు చేశారు.

విశాఖ జిల్లా అనకాపల్లి మండలం కొత్తూరు జాతీయ రహదారిలో సిగ్నల్ వద్ద ఆగి ఉన్న వాహనాలను వెనక నుంచి లారీ ఢీకొట్టింది. ఈ ఘటనలో కార్లకు ముందున్న లారీ.. వెనక ఢీ కొట్టిన లారీ మధ్యలో ఇరుక్కొని రెండు కార్లు ధ్వంసం అయ్యాయి. ఈ కార్లలో ఆరుగురు ప్రయాణికులు ఉన్నారు. వారంతా సురక్షితంగా బయటపడ్డారు.

లారీ వేగంగా రావడం వల్లే ప్రమాదం జరిగిందని వాహనదారులు అన్నారు. ఢీ కొట్టిన లారీ చోదకుడు పరారయ్యాడు. లారీని స్వాధీనం చేసుకున్న అనకాపల్లి పట్టణ పోలీసులు, కేసు నమోదు చేశారు.

ఇదీ చదవండి