విశాఖ-కడప-విశాఖ ఎక్స్ప్రెస్కు సంప్రదాయ కోచ్ల స్థానంలో ఎల్హెచ్బి కోచ్లను ప్రవేశపెట్టనున్నట్లు రైల్వే అధికారులు తెలిపారు. ఈనెల 15 నుంచి ఈ కోచ్లు అందుబాటులోకి రానున్నట్లు చెప్పారు. జర్మన్ సాంకేతికతతో తయారైన ఈ ఆధునిక కోచ్లలో సీటింగ్, ఇతర సదుపాయాలు ప్రయాణికులకు సౌకర్యవంతంగా ఉంటాయన్నారు. ఇవి తక్కువ బరువుతో ఉండి.. ఎక్కువ వేగంగా ప్రయాణించేందుకు సులువుగా ఉంటుందని చెప్పారు.
ప్రస్తుతం వాల్తేర్ డివిజన్లో విశాఖ-కొత్తదిల్లీ-విశాఖ ఏపీ ఎక్స్ప్రెస్, విశాఖ-కొర్బా-విశాఖ ఎక్స్ప్రెస్లలో ఈ కొత్త కోచ్లు ఉన్నాయి. 0748 నెంబర్తో ప్రయాణించే విశాఖ-కడప ప్రత్యేక రైలు, 07887 నెంబర్తో ఉన్న కడప-విశాఖ రైలుకి ఈ కోచ్లు అందుబాటులోకి వస్తాయి. 22 ఎల్ హెచ్బి కోచ్లలో రెండు సెకెండ్ ఏసీ, మూడు థర్డ్ ఏసీ కోచ్లు, 12 స్లీపర్ క్లాస్, మూడు సెకెండ్ క్లాస్, దివ్యాంగుల కోచ్ ఒకటి, జనరల్ మోటార్ కార్ ఇందులో ఉంటాయి. ఈ ఏడాదిలో మరిన్ని రైళ్లకు ఎల్హెచ్బి కోచ్లు అందుబాటులోకి వస్తాయని అధికారులు వెల్లడించారు.
ఇదీ చదవండి: విశాఖ స్టీల్‌ ప్లాంట్‌ ప్రైవేటీకరణకు వ్యతిరేకంగా రాజకీయ పార్టీల ఆందోళన
