రూ.50 కోట్లు డిపాజిట్ చేసిన ఎల్జీ పాలిమర్స్​

విశాఖ ఎల్జీ పాలిమర్స్ స్టైరీన్​ లీకేజ్ ప్రమాద ఘటనకు సంబంధించి ఎన్జీటీ(జాతీయ హరిత ట్రైబ్యునల్) ఆదేశాల మేరకు ఆ సంస్థ 50 కోట్ల రూపాయలను ప్రభుత్వం వద్ద డిపాజిట్ చేసింది. ఈ మేరకు చెక్​ను విశాఖ జిల్లా కలెక్టర్ వినయ్ చంద్​కు అందించింది.

ఎన్జీటీ ఆదేశాల మేరకు ఎల్జీ పాలిమర్స్ సంస్థ 50 కోట్ల రూపాయలను డిపాజిట్ చేసింది. స్టైరీన్ లీకేజ్​ దుర్ఘటనలో 12 మంది మృతి చెందగా.. వందల మంది అస్వస్థతకు గురయ్యారు. పలువురు ఇప్పటికీ ఆసుపత్రులలో చికిత్స పొందుతున్నారు. గ్యాస్ లీకేజ్​పై పరిణామాలను, జీవ, జంతు జాలానికి జరిగిన నష్టాన్ని.. దీర్ఘకాలిక సమస్యలపైనా.. ఎన్జీటీ పరిశీలించి ఏ రకమైన చర్యలు చేపట్టాలన్నది నిర్ణయించనుంది. ఎల్జీ పాలిమర్స్ సంస్థ ఇచ్చిన నిధులను బాధిత గ్రామాల కోసం వెచ్చించనున్నారు.

ఇదీ చదవండి: కరోనా 'దండోరా'... కర్ణాటకలో అడుగుపెట్టొద్దు..!