హైకోర్టు తీర్పుపై రాష్ట్ర ప్రభుత్వ వైద్యుల సంఘం కార్యదర్శి హర్షం

మత్తు వైద్యుడు సుధాకర్​ కేసులో హైకోర్టు వ్యవహరించిన తీరుపై రాష్ట్ర ప్రభుత్వ వైద్యుల సంఘం కార్యదర్శి హర్షం వ్యక్తం చేశారు. కరోనా సమయంలో తాము రోడ్డెక్కడం సబబు కాదని..., అందుచేత ఎటువంటి ఆందోళనలు చేయలేదని ఆయన వివరించారు. వైద్యుని సస్పెండ్​కు గల కారణాలను లోతుగా పరిశీలించాలని కోరారు.

మత్తు వైద్య నిపుణుడు సుధాకర్​తో విశాఖలో పోలీసులు వ్యవహరించిన ఘటనపై విచారణను సీబీఐకు అప్పగించడాన్ని హర్షిస్తున్నామని రాష్ట్ర ప్రభుత్వ వైద్యుల సంఘం కార్యదర్శి డా. పిడకల శ్యామ్ సుందర్ పేర్కొన్నారు. బాధితుడికి న్యాయం జరగాలని తాము రోడ్డెక్కడం వలన ఈ కరోనా కాలంలో ప్రజలు తీవ్ర ఇబ్బందులకు గురవుతారనే ఉద్దేశంతో.. తాము ఎటువంటి చర్యలకు పాల్పడలేదని ఆయన తెలిపారు. ఘటన తర్వాత వైద్యులు సుధాకర్​తో తాను మాట్లాడానని, తిరిగి తన ఉద్యోగం తనకు ఇప్పిస్తే పేదలకు సేవ చేసుకుంటానని తెలిపారని డా.శ్యామ్ అన్నారు.

ఇదీ చదవండి :