ఇంట్లో మందుగుండు తయారు చేస్తుండగా.. పేలుడు సంభవించింది. ఈ ప్రమాదంలో ఇద్దరు వ్యక్తులు గాయపడ్డారు. విశాఖ జిల్లాలో ఈ ఘటన చోటు చేసుకుంది. కురుపాం మార్కెట్ టౌన్ హాల్ రోడ్డులోని ఓ ఇంట్లో మందుగుండు తయారు చేస్తున్నారు. ఈ క్రమంలో ఒక్కసారిగా భారీ శబ్దంతో పేలుడు సంభవించింది.
ఈ ప్రమాదంలో ప్రసాద్, శ్రీనివాస్‌ అనే ఇద్దరు వ్యక్తులకు గాయాలయ్యాయి. గాయపడిన వారిని పోలీసులు.. కేజీహెచ్కు తరలించారు. అనంతరం ఈ ఘటనపై కేసు నమోదు చేసి, దర్యాప్తు చేశారు.
నిప్పురవ్వలు అంటుకుని అగ్నిప్రమాదం..
తూర్పుగోదావరి జిల్లా ప్రత్తిపాడు మండలం ధర్మవరంలో అగ్నిప్రమాదం జరిగింది. ఓ కిరాణ దుకాణంలో బాణసంచా నిప్పురవ్వలు పడి మంటలు వ్యాపించాయి. దుకాణంలోని వస్తువులు దగ్ధం అయ్యాయి. దుకాణంలో గ్యాస్, పెట్రోల్, డీజిల్ ఉండడంతో స్థానికులు ఆందోళన వ్యక్తం చేశారు. అగ్నిమాపక సిబ్బంది సకాలంలో ఘటనాస్థలికి చేరుకుని మంటలార్పారు.
ఇదీ చదవండి: Gold Fraud: దుబాయ్ గోల్డ్ తక్కువ ధరకే.. ఫేస్బుక్లో ప్రకటన.. ఆ తర్వాత?
