రైతులకు మద్దతుగా విశాఖలో వామపక్షాలు భారత్ బంద్ నిర్వహించాయి. వ్యవసాయ చట్టాలను వెంటనే రద్దు చేయాలని నేతలు డిమాండ్ చేశారు.
విశాఖ - కోల్కత్తా జాతీయ రహదారిపై వామపక్షాల నిరసనతో... మద్దిలపాలెం వద్ద జాతీయ రహదారిపై వాహనాలు నిలిచిపోయాయి. పాడేరులో ఆందోళనకారులు వాహనాలను అడ్డుకున్నారు. విశాఖ ఏజెన్సీలో వామపక్షాలు, గిరిజన సంఘం, గిరిజన ఐకాస సంఘం సంయుక్తంగా బంద్కు మద్దతిచ్చాయి. పాడేరులో వ్యాపారులు దుకాణాలు స్వచ్ఛందంగా మూసివేశారు. నర్సీపట్నంలో సబ్ డివిజన్లో భారత్ బంద్ ప్రశాంతంగా కొనసాగింది. విశాఖ మన్యంతో పాటు విశాఖ, చోడవరం, తుని, అనకాపల్లి వెళ్లాల్సిన బస్సు సర్వీసులను నిలిపివేశారు.
అనకాపల్లిలో వామపక్షాలు, ప్రజాసంఘాలు, సీఐటీయూ ఆధ్వర్యంలో భారీ ర్యాలీ చేపట్టారు. అన్ని రకాల దుకాణాలు మూసివేశారు. ఆర్టీసీ బస్సులన్నీ బస్టాండ్లలోనే నిలిచిపోయాయి. విశాఖ నగరంలో వామపక్షాలు బంద్ను ప్రశాంతంగా నిర్వహించాయి. మోదీ ప్రభుత్వం చేసిన వ్యవసాయ చట్టాలను రద్దు చేయాలని నేతలు డిమాండ్ చేశారు. ఏఐటీయూసీ, సీఐటీయూ, ఏఐఎఫ్టీయూ తదితర కార్మిక సంఘాలు... జాతీయ రహదారిలో రాస్తారోకో నిర్వహించాయి.
ఇదీ చదవండి:
