Bandaru Satyanarayana comments on Jagan: జగన్ గతంలో క్విడ్ ప్రో చేసి చాలా మందిని జైల్లో పెట్టించాడని,70 వేల మందికి ఉపాధి కోసం ఆదాని డేటా సెంటర్ తెచ్చామని, కాపులుప్పాడలో 89 ఎకరాలను ఎకరా కోటి రూపాయిలకు ఇచ్చామని... మూడేళ్ళుగా పట్టించుకోని దీనిపై జగన్కి హఠాత్తుగా ప్రేమ పుట్టుకు వచ్చిందని ఇందులో భారీ కుంభకోణం చోటు చేసుకుందని తెదేపా ఆరోపించింది.
టీడీపీ విశాఖ జిల్లా కార్యాలయంలో మాజీమంత్రి బండారు సత్యనారాయణ మూర్తి , ఎమ్మెల్యే వెలగపూడి రామకృష్ణబాబు, పార్లమెంట్ అధ్యక్షుడు పల్లా శ్రీనివాసరావులు మాట్లాడుతూ అదానీ సెంటర్ కి కేటాయించిన 89 ఎకరాలు బదులు మధురవాడలో 130 ఎకరాలు పాత ధర కోటి రూపాయలకే ఇవ్వడమే ఇందులో రహస్యమని వివరించారు. ఈయేడాది జులై 6న సెల్ అగ్రిమెంట్, అదేరోజున సేల్ డీడ్ జరిగిపోవడం క్విడ్ ప్రో గా అనుమానం బలపడుతోందన్నారు. వైజాగ్ టెక్నో పార్క్ గా పేరు మారింది, భూమి మారిందని వివరించారు. ఈ కంపెనీకి కడపకు చెందిన పాకనాటి అంజిరెడ్డి జనరల్ మేనేజర్ గా ఉన్నారని, మా షరతులు వేరని, ఇపుడు ఎటువంటి కండిషన్స్ లేవని ఇది ముమ్మూటికి జగన్ క్విడ్ ప్రో నేనని చెప్పారు. ఈ వ్యవహారంలో ప్రభుత్వం నిబంధనలు పాటించలేదని, ఆదానితో జరిగిన సేల్ డీడ్ ని రద్దు చెయ్యాలన్నారు.
ఇవీ చదవండి:
