అన్నా.. మాకు ఉద్యోగ భద్రత కల్పించు

విశాఖ కొండ ప్రాంతాల్లో వైద్య విధులు నిర్వహిస్తోన్న రెండవ ఏన్ఎం ఉద్యోగులు ఆందోళన బాట పట్టారు. గ్రామ సచివాలయ ఏఎన్ఎం ఉద్యోగాల్లో తమను రాత పరీక్ష లేకుండా తీసుకుని ఉద్యోగ భద్రత కల్పించాలని కోరుతున్నారు

విశాఖ మన్యంలో కొండ ప్రాంతాల్లో వైద్య విధులు నిర్వహిస్తోన్న రెండవ ఏన్ఎం ఉద్యోగులు ఆందోళన బాట పట్టారు. పాడేరు ఐటీడీఏ బయట టెంట్ వేసుకుని నిరసనకు దిగారు. కొండ ప్రాంతాల్లో రోగులకు సేవలందించే తమను రెగ్యులర్ చేయాలని వారు డిమాండ్ చేశారు. విధి నిర్వహాణ లో తాము కూడా అనారోగ్యపాలవుతున్నామని, ఎన్నో ఏళ్లగా ఈ ఉద్యోగాలనే నమ్ముకుని ఉన్నామని వారు తెలిపారు. గ్రామ సచివాలయ ఏఎన్ఎం ఉద్యోగాల్లో తమను రాత పరీక్ష లేకుండా తీసుకోవాలని విజ్ఞప్తి చేశారు. తమ ఉద్యోగ భద్రత కల్పించి, సమస్యలను పరిష్కరించాలని వారు డిమాండ్ చేస్తున్నారు.

ఇదీ చూడండి:వైకాపా ఎమ్మెల్సీ అభ్యర్థుల తుది జాబితా ఖరారు