ఘనంగా ప్రొఫెసర్ బాబీ వర్థన్ పదవీ విరమణ కార్యక్రమం
ఆంధ్ర విశ్వవిద్యాలయం జర్నలిజం విభాగాధిపతి ఆచార్య పి. బాబీవర్థన్ పదవీ విరమణ వేడుక, ఏయూ జర్నలిజం విభాగంలో ఘనంగా జరిగింది. నలభై సంవత్సరాలుగా జర్నలిజం విభాగంలో.. వేలాది మందికి బాబీవర్థన్ విద్యా సేవలను అందించారు. అనేక విశ్వ విద్యాలయాల్లో విజిటింగ్ ప్రొఫెసర్గా పని చేశారు. దిన పత్రికలకు ప్రజా సంబంధ అంశాలపై వ్యాసాలు రచించారు.
ఆంధ్ర విశ్వవిద్యాలయం మీడియా విభాగానికి కన్వీనర్గా సేవలు అందించారు. మీడియా రంగంలో వచ్చిన సాంకేతికతకు అనుగుణంగా వజ్రా పేరిట జర్నలిజం స్టూడియోను విశ్వవిద్యాలయంలో ఏర్పాటు చేశారు. జర్నలిజం బోర్డ్ ఆఫ్ స్టడీస్ ఛైర్మన్గా సేవలు అందించిన.. ఆచార్య బాబీ వర్థన్ను విశ్వ విద్యాలయం ఘనంగా సత్కరించింది. దేశ నలుమూలల నుంచి విద్యార్థులు వచ్చి.. పదవీ విరమణ వేడుకలో పాల్గొని శుభాకాంక్షలు తెలిపారు.
ఇదీ చదవండి:
