విశాఖ జిల్లా అనకాపల్లిలో వ్యవసాయ పరిశోధన కేంద్రం స్థలంలో నిర్మించనున్న మెడికల్ కళాశాల స్థలాన్ని ఎంపీ డాక్టర్.బీవీ సత్యవతి, ఎమ్మెల్యే గుడివాడ అమర్నాథ్ పరిశీలించారు. ఈ నెల 31వ తేదీన వర్చువల్ విధానంలో అనకాపల్లి మెడికల్ కళాశాలకి సీఎం జగన్మోహన్ రెడ్డి శంకుస్థాపన చేయనున్నారు. రూ.500 కోట్ల వ్యయంతో మెడికల్ కళాశాల, సూపర్ స్పెషాలిటీ ఆసుపత్రిని నిర్మించేందుకు సీఎం జగన్మోహన్రెడ్డి చొరవ చూపడం పట్ల ఎంపీ కృతజ్ఞతలు తెలిపారు. దీనివల్ల గ్రామీణ ప్రాంతాల్లో ప్రజలకు మెరుగైన వైద్య సేవలు అందుతాయని పేర్కొన్నారు. ఈ కార్యక్రమంలో వైకాపా నాయకులు దాడి రత్నాకర్, దంతులూరి దిలీప్ కుమార్, మందపాటి జానకి రామ రాజు, తదితరులు పాల్గొన్నారు.
ఇదీ చదవండి: రోలుగుంటలో తాగునీటి సరఫరా ప్రారంభం
