అనిశా వలలో ప్రధానోపాధ్యాయురాలు
విశాఖ జిల్లా చోడవరం బాలికోన్నత పాఠశాలలో ప్రధానోపాధ్యాయురాలు ఏసీబీ అధికారులకు పట్టుబడ్డారు. పాఠశాలలో మధ్యాహ్నా భోజనాన్ని వంతుల కింద అయిదుగురు మహిళలు వండుతున్నారు. ఈ క్రమంలో జనవరిలో వంట చేసిన ఆబోతుల సత్యవతి అలియాస్ మంగకు ఫిబ్రవరి 28న రూ.30 వేలు వచ్చాయి. ఈ బిల్లును చెల్లించేందుకు రూ.5000 ఇవ్వాలని ప్రధానోపాధ్యాయురాలు కృష్ణకుమారి డిమాండ్ చేశారు. ఈ విషయమై లంచం ఇవ్వడం ఇష్టం లేని మంగ ఏసీబీ అధికారులను ఆశ్రయించింది. బాధితురాలి ఫిర్యాదు మేరకు పాఠశాలకు ఆకస్మికంగా వచ్చిన ఏసీబీ అధికారులు ప్రధానోపాధ్యాయురాలు రూ.4,500 లంచం తీసుకుంటుండగా రెజ్ హ్యాండెడ్గా పట్టుకున్నారు. హెచ్ఎమ్ని అరెస్ట్ చేసి కోర్టుకు హాజరుపరుస్తున్నట్లు ఏసీబీ డీఎస్పీ రంగరాజన్ తెలిపారు.
