అనిశా వలలో మరో అవినీతి చేప చిక్కింది. మ్యూటేషన్ కోసం వచ్చిన రైతు నుంచి లంచం తీసుకుంటూ విశాఖ జిల్లా చీడికాడ వీఆర్వో ఏసీబీకి పట్టుబడ్డాడు. గ్రామ సచివాలయంలో రైతు నుంచి డబ్బు తీసుకుంటుండగా..అనిశా అధికారులు రెడ్హ్యండెడ్గా పట్టుకున్నారు. ఏసీబీ డీఎస్పీ రమణమూర్తి తెలిపిన వివరాల ప్రకారం..గ్రామానికి చెందిన నౌడు చిన దేముడు, ఆయన కుమారుడు వారసత్వంగా వస్తున్న భూమి మ్యూటేషన్ కోసం ఆన్లైన్లో దరఖాస్తు చేసుకున్నారు. కాగా..మ్యూటేషన్ పూర్తి కావాలంటే రూ. 30 ఇవ్వాల్సిందిగా వీఆర్వో రాజు డిమాండ్ చేశారు.
దీంతో రైతులు అవినీతి నిరోధక శాఖ అధికారులను ఆశ్రయించారు. కాపు కాసిన అనిశా అధికారులు వీఆర్వో రాజు లంచం తీసుకుంటుండగా రెడ్హ్యాండెడ్గా పట్టుకున్నారు. ఘటనపై కేసు నమోదు చేసుకొని విచారణ చేపట్టినట్లు అనిశా డీఎస్పీ వెల్లడించారు.
ఇదీ చదవండి
'ఆ నోట్లపై గాంధీ బొమ్మ తీసేయండి'.. మోదీకి కాంగ్రెస్ ఎమ్మెల్యే విజ్ఞప్తి
