CJI D.Y. Chandrachud Tour on AP: సుప్రీంకోర్టు ప్రధాన న్యాయమూర్తి జస్టిస్ డీ.వై. చంద్రచూడ్.. ఇవాళ, రేపు రాష్ట్రంలో పర్యటించనున్నారు. నిన్న తిరుపతిలో కల్యాణ వేంకటేశ్వర స్వామివారిని, తిరుచానూరు పద్మావతీ అమ్మవారిని దర్శించుకున్న ఆయన.. ఇవాళ తిరుమల శ్రీవారిని దర్శించుకోనున్నారు. తర్వాత తిరుపతి నుంచి బయలుదేరి సాయంత్రం 6 గంటల 45 నిమిషాలకు.. గన్నవరం విమానాశ్రయానికి చేరుకోనున్నారు. అక్కడ నుంచి విజయవాడ వెళ్లి ఇంద్రకీలాద్రి దుర్గమ్మను దర్శించుకుంటారు. రేపు ఉదయం 9 గంటల నుంచి 11 గంటల వరకూ.. హైకోర్టు ఆధ్వర్యంలో ఏర్పాటు చేసిన కార్యక్రమాల్లో పాల్గొంటారు. గుంటూరు జిల్లా కాజా వద్ద ఏర్పాటు చేసిన జ్యుడీషియల్ అకాడమీని ప్రారంభిస్తారు. అనంతరం హైదరాబాద్ బయలుదేరి వెళ్లనున్నారు.
ఇవీ చదవండి:
