లావేరు మండలంలో 9న జరగనున్న తొలివిడత పంచాయితీ ఎన్నికలకు సంబంధించి ఎన్నికల సామగ్రి సర్వం సిద్ధంగా ఉందని ఎన్నికల అధికారులు తెలిపారు. మండలంలో 24 పంచాయతీల పరిధిలో 57 మంది సర్పంచ్ అభ్యర్థులు, 176 వార్డు సభ్యులకు సంబంధించి 363 మంది పోటీ చేస్తున్నట్టు తెలిపారు. ఎన్నికల విధుల్లో 26 మంది రిటర్నింగ్ అధికారులు, 217 మంది పీవోలు, 302 మంది ఏపీవోలు, ఓపీవోలు పాల్గొంటారని మండల ఎన్నికల రిటర్నింగ్ అధికారి వి. శ్రీనివాసరావు తెలిపారు. సమస్యాత్మక, అతి సమస్యాత్మక గ్రామాల్లో ప్రత్యేక బృందాలతో నిఘా ఏర్పాటు చేశామని పోలీస్ అధికారులు పేర్కొన్నారు. ఎన్నికల విధుల్లో రెండు వందల మంది పోలీసులు పాల్గొంటారన్నారు. అతి సమస్యాత్మక గ్రామాల్లో వెబ్ కాస్టింగ్ ద్వారా ఎప్పటికప్పుడు వీడియోలు చిత్రీకరించి ఎన్నికల అధికారులకు పంపించడం జరుగుతుందని స్పష్టం చేశారు.
ముగిసిన ఎన్నికల ప్రచారం..
శ్రీకాకుళం జిల్లా ఎచ్చెర్ల నియోజకవర్గం లావేరు మండలంలో 9న జరగనున్న స్థానిక సంస్థల ఎన్నికలకు సంబంధించి ఎన్నికల ప్రచారం సాయంత్రం ఐదు గంటలతో ముగిసింది. అభ్యర్థులు హోరాహోరీగా గ్రామాల్లో ఎన్నికల ప్రచారం నిర్వహించారు. తమకు కేటాయించిన గుర్తులతో ఇంటింటికి తిరిగి ప్రచారం నిర్వహించారు.
ఇదీ చదవండి:
