శ్రీకాకుళం జిల్లా పాలకొండలో డీఎస్పీ ఎన్.శ్రావణి, ఆర్డీవో కుమార్ పర్యటించారు. పట్టణంలోని ప్రధాన మార్కెట్తో పాటు పలుచోట్ల డీఎస్పీ తనిఖీలు చేపట్టారు. కొవిడ్ నిబంధనలు గాలికొదిలేసి.. జనం గుంపులుగా ఉండటంతో ఆమె ఆగ్రహం వ్యక్తం చేశారు. నిబంధనలు అతిక్రమించిన వారిపై కేసులు నమోదు చేస్తామని హెచ్చరించారు.
పట్టణంలోని డిగ్రీ కళాశాల మైదానంలో ఏర్పాటు చేసిన తాత్కాలిక కూరగాయల మార్కెట్కు ఆర్డీవో… సాధారణ వ్యక్తిలా వెళ్లి పరిశీలించారు. ఆ సమయంలో ప్రజలంతా సమూహాలుగా ఉండటం పట్ల ఆయన ఆగ్రహం వ్యక్తం చేశారు. కళాశాల మైదానంలో ఉద్యోగులు ఎవరూ లేకపోవడంతో తహసీల్దార్ సోమేశ్వరరావును ఫోన్లో మందలించారు. కరోనా నిబంధనలు పక్కాగా అమలయ్యేలా చూడాలని సంబంధిత అధికారులను ఆదేశించారు.
ఇదీ చదవండి: కొవిడ్ బాధితుల సంరక్షణపై ప్రత్యేక దృష్టి
