Minister Dharmana Prasada Rao: శ్రీకాకుళం రూరల్ మండలం ఒప్పింగి గ్రామంలో గడప గడపకు మన ప్రభుత్వ కార్యక్రమంలో రెవెన్యూ శాఖ మంత్రి ధర్మాన ప్రసాదరావు కీలక వ్యాఖ్యలు చేశారు. చంద్రబాబే ఓటేయొద్దని చెప్తుంటే.. సైకిల్కు ఎవరు ఓటు వేస్తారని ఆయన ఎద్దేవా చేశారు. ఈ కార్యక్రమంలో ఓ మహిళ చేసిన వ్యాఖ్యలపై మంత్రి స్పందించారు. తమ పార్టీకి ఓటు వేయొద్దంటూ స్వయంగా చంద్రబాబు తెలిపారని.. అలాంటిది రాములమ్మ(చిన్నమ్మ) లాంటి వారు సైకిల్ గుర్తుకు వేస్తామంటున్నట్లు తమ దృష్టికి వచ్చిందన్నారు. ఆమె దృష్టిలో సైకిల్ గుర్తుకు ఓటు వేస్తే జగన్కు ఓటు వేసినట్లు అనుకుంటుందనీ,.. అలాంటి వారికి మన పార్టీ కార్యకర్తలు అవగాహన కల్పించాలని ధర్మాన తెలిపారు. మహిళలకు వైసీపీలో సమానమైన ప్రాధాన్యం కల్పిస్తున్నట్లు పేర్కొన్నారు.
తాను వచ్చే ఎన్నికల్లో పోటీ చేయనని జగన్తో చెప్పినట్లు ధర్మాన ప్రసాదరావు పేర్కొన్నారు. అయితే, సీఎం జగన్ తన అభిప్రాయాన్ని మార్చుకోమని చెప్పడంతో ఈ అంశంపై ఆలోచిస్తున్నట్లు వెల్లడించారు.
'ఆడవాళ్లకు ఆడవాళ్లు చెబితేనే అర్థమవుతుంది. ఇక్కడ రాములమ్మ (చిన్నమ్మ) అనే మహిళ అన్నటువంటి అంశంపై మాట్లాడాలి. ఆమె వైసీపీ కాకుండా టీడీపీ(సైకిల్)కు ఓటు వేస్తానంటుంది. ఆమె దృష్టిలో సైకిల్కు ఓటువేయడం అంటే జగన్కు ఓటువేయడమే అని అర్థం. అలాంటి వారికి మన కార్యకర్తలు అవగాహన కల్పించాలి. ప్రతి వార్డులో కార్యకర్తలు తిరిగి అవగాహన కల్పిస్తే మెరుగైన ఫలితాలు సాధిస్తాం. గతంలో ఓ సభలో పాల్గొన్న చంద్రబాబు.. సైకిల్ పోవాలని అన్నారు. ఆయనే సైకిల్ పోవాలి అని అనుకుంటున్నారు. రాములమ్మ లాంటి వారికి మనం అవగాహన కల్పించాలి. అప్పుడే మనకు కావాల్సిన లక్ష్యాలను సాధిస్తాం.'- ధర్మాన ప్రసాదరావు, రెవెన్యూ శాఖ మంత్రి
ఇవీ చదవండి:
