దుర్గమ్మను దర్శించుకున్న మంత్రి బొత్స
శ్రీకాకుళం జిల్లా పాలకొండ నగర పంచాయతీలోని శ్రీ కోట దుర్గమ్మ ఆలయంలో దసరా శరన్నవరాత్రి మహోత్సవాలు ఆదివారం వైభవంగా ప్రారంభమయ్యాయి. ప్రధాన అర్చకులు దార్లపూడి లక్ష్మీ ప్రసాద్ శర్మ ఆధ్వర్యంలో ప్రత్యేక పూజలు నిర్వహించిన అనంతరం భక్తులను అమ్మవారి నిజరూప దర్శనానికి అనుమతించారు. దుర్గమ్మను రాష్ట్ర మంత్రి బొత్స సత్యనారాయణ దర్శించుకున్నారు. అర్చకులు పూర్ణకుంభంతో స్వాగతం పలికారు. ప్రత్యేక పూజలు చేయించారు. మంత్రి ధర్మాన కృష్ణదాస్, విజయనగరం ఎంపీ బెల్లం చంద్రశేఖర్ పాలకొండ ఎమ్మెల్యే కళావతి, రాజాం శాసనసభ్యుడు కంబాల జోగులు.. అమ్మవారిని దర్శించుకున్నారు. దేవాదాయ, రెవెన్యూ శాఖ అధికారులు, పోలీసులు ప్రత్యేక కౌంటర్లు ఏర్పాటు చేసి భక్తులకు సేవలు అందిస్తున్నారు.
