శ్రామిక్​ రైలులో జిల్లాకు చేరిన 295 మంది

జిల్లాకు చెందిన 295 మంది వలస కార్మికులు శ్రామిక్​ రైలులో ఆమదాలవలసకు వచ్చినట్లు మండల తహసీల్దార్​ రాంబాబు తెలిపారు. వీరందరిని కోటబొమ్మాలి మండలంలో ఏర్పాటు చేసిన పునరావాస కేంద్రాలకు తరలించామన్నారు. 550 మంది రావాల్సి ఉండగా ప్రస్తుతం వీరు మాత్రమే చేరుకున్నట్టు చెప్పారు.

శ్రీకాకుళం జిల్లా ఆమదాలవలసకు శ్రామిక్​ రైలులో 295 వలస కార్మికులు చేరుకున్నట్టు స్థానిక తహసీల్దార్​ పూజారి రాంబాబు తెలిపారు. కవిటి, సోంపేట, మందస మండలం ప్రాంతాలకు చెందిన వలస కార్మికులు వచ్చినట్లు చెప్పారు. లాక్​డౌన్​తో వేరే రాష్ట్రాల్లో జిల్లాకు చెందిన కూలీలు ఇబ్బంది పడుతున్నారని కలెక్టర్​ రాష్ట్ర ప్రభుత్వానికి లేఖ రాశారు.

కేంద్ర, రాష్ట్ర ప్రభుత్వాలు చొరవ తీసుకుని వీరిని శ్రామిక్​ రైళ్లలో శ్రీకాకుళం జిల్లాకు తరలించినట్లు పేర్కొన్నారు. 550 మంది వలస కార్మికులు రావాల్సి ఉండగా... 295 మంది మాత్రమే ప్రస్తుతం వచ్చారని అన్నారు. వీరందరిని 11 బస్సుల్లో కోటబొమ్మాలి మండలంలో ఏర్పాటు చేసిన పునరావాస కేంద్రాలకు తరలించినట్లు తెలియజేశారు.

ఇదీ చదవండి: