శ్రీకాకుళం జిల్లా ఎల్‌ఎన్పేటలో ఇటీవల ఓటు హక్కు వినియోగించుకున్న బ్యాలెట్ పత్రాలు బయటపడ్డాయి. ఈ ఘటనపై 'ఈటీవీభారత్', 'ఈటీవీ ఆంధ్రప్రదేశ్'లో 'బయట దొరికిన.. ఓటు వేసిన బ్యాలెట్ పత్రాలు!' శీర్షికన కథనాలు వచ్చాయి. దీనిపై జిల్లా ఉన్నతాధికారులు విచారణ జరిపారు. రిటర్నింగ్ అధికారులను సస్పెండ్ చేస్తూ... కలెక్టర్ నివాస్ ఉత్తర్వులు జారీ చేశారు. పోలింగ్ అనంతరం బ్యాలెట్ పేపర్లను భద్రపరచడం, అప్పగించడంలో.. రిటర్నింగ్ అధికారి నిర్లక్ష్యం వహించారని ఉత్తర్వుల్లో పేర్కొన్నారు.
ఎల్ఎన్పేట గ్రామ పంచాయతీ స్టేజ్-2 రిటర్నింగ్ అధికారి ఎల్.గోవర్ధనరావుతో పాటు రిజర్వు రిటర్నింగ్ అధికారి వి.మల్లేష్ను సస్పెండ్ చేశారు. తదుపరి ఉత్తర్వులు జారీ చేసే వరకు అనుమతి లేకుండా మండల కేంద్రం విడిచి వెళ్లొద్దని కలెక్టర్ నివాస్ ఉత్తర్వుల్లో స్పష్టం చేశారు.
ఇదీ చదవండీ... 'ప్రతిపక్షాలను కలుపుకొని కేంద్రంపై ఒత్తిడి తీసుకొస్తాం'
