పితాని సత్యనారాయణ మాజీ పీఎస్ మురళీమోహన్ను అనిశా అధికారులు సచివాలయంలో అదుపులోకి తీసుకున్నారు. అచ్చెన్నాయుడు తరువాత పితాని సత్యనారాయణ కార్మికశాఖ మంత్రిగా పనిచేశారు. ఆయన హయాంలోనూ అక్రమాలు కొనసాగినట్లు ఆరోపణలు రావడంతో వీటిపై విచారించారు. అప్పటి ఈఎస్ఐ డైరెక్టర్, సిబ్బందితో కలిసి ఔషధాల కొనుగోలు చేశారని గుర్తించారు. అధిక ధరలకు కొనుగోలు చేయడంతో ప్రభుత్వానికి నష్టం వచ్చిందని అనిశా దర్యాప్తులో తేలింది. పితాని సత్యనారాయణ కుమారుడు వెంకట సురేశ్తో పాటు మురళి ఇప్పటికే ముందస్తు బెయిల్ కోసం పిటిషన్ దాఖలు చేశారు. ఇది హైకోర్టులో పెండింగ్లో ఉంది. ఈ నేపథ్యంలోనే మురళీని అధికారులు అరెస్ట్ చేశారు. న్యాయమూర్తి ముందు హాజరుపరిచారు. అనిశా న్యాయమూర్తి...మురళీమోహన్కు 14 రోజులు రిమాండ్ విధించారు.
ఇదీ చదవండి: 'రాష్ట్రంలో రాష్ట్రపతి పాలనకు అవకాశం'
