Accident: పొలాల్లోకి దూసుకెళ్లిన వాహనం.. 10మందికి గాయాలు

సింహాచలం అప్పన్నను దర్శించుకుని తిరిగి వస్తుండగా రోడ్డు ప్రమాదం జరిగింది. పలాసపురం వద్ద వాహనం అదుపుతప్పి పొలాల్లోకి దూసుకెళ్లింది. ఈ ప్రమాదంలో 10మందికి గాయాలు కాగా.. నలుగురి పరిస్థితి విషమంగా ఉంది.. కాసేపట్లో ఇంటికి చేరుకుంటామన్న సమయంలో ఈ ప్రమాదం జరిగింది.

శ్రీకాకుళం జిల్లా సోంపేట మండలం పలాసపురం వద్ద పొలాల్లోకి ఓ వాహనం దూసుకెళ్లింది. ఈ ప్రమాదంలో పది మందికి గాయాలు కాగా.. నలుగురు పరిస్థితి విషమంగా ఉంది. క్షతగాత్రులను
శ్రీకాకుళం జీజీహెచ్​కు తరలించారు. సింహాచలం అప్పన్నను దర్శించుకుని తిరిగి వస్తుండగా ఈరోజు తెల్లవారుజామున ప్రమాదం జరిగింది. వీరంతా కంచిలి మండలం కుత్తుమ గ్రామానికి చెందిన వారిగా గుర్తించారు. కాసేపట్లో ఇంటికి చేరుకుంటామన్న సమయంలో ఈ ప్రమాదం జరిగింది.