Loan app: ఆన్లైన్ యాప్ల నిర్వహకుల అరాచకాలు కొనసాగుతూనే ఉన్నాయి. రుణయాప్ల నిర్వహకులు చేస్తున్న ఆగడాలను భరించలేక రుణగ్రస్తులు బలవన్మరణాలకు పాల్పడుతున్న ఘటనలు ఇప్పటికే వెలుగుచూశాయి. తాజాగా శ్రీసత్యసాయి పుట్టపర్తి జిల్లా నల్లచెరువు మండలం గాడేఖాన్ పల్లికి చెందిన యువకుడు.. ఆన్లైన్ రుణయాప్ నిర్వహిస్తున్న వారి వేధింపులు భరించలేక పోలీసులను ఆశ్రయించారు. గాజేఖాన్ పల్లికి చెందిన నాగేంద్ర హ్యాండీయాప్ ద్వారా రుణం తీసుకున్న మొత్తానికి రెట్టింపు మొత్తం ఇప్పటికే చెల్లించారు. అయిన్నప్పటకీ అప్పు చెల్లించని పక్షంలో కుటుంబ సభ్యుల ఫొటోలు మార్పింగ్ చేసి సామాజిక మాధ్యమాల్లో పోస్ట్ చేస్తామని యాప్ ప్రతినిధులు బెదిరించారని వాపోయారు. బాధితుడి ఫిర్యాదు మేరకు కేసు నమోదు చేసినట్లు ఎస్సై వరలక్ష్మి తెలిపారు.
ఇవీ చదవండి:
