Florists Protest: శ్రీ సత్య సాయి జిల్లా హిందూపురం పట్టణంలో రోడ్డుపై పూలను పారబోసి వ్యాపారస్తులు నిరసన వ్యక్తం చేశారు. పూలు అమ్ముకోవడానికి స్థలం కేటాయించాలంటూ పలుమార్లు విన్నవించుకున్నా.. ఏ ఒక్కరూ పట్టించుకోలేదని వ్యాపారస్తులు వాపోయారు. తాత్కాలికంగా ఇప్పుడు నిర్వహిస్తున్న హిందూపురం పట్టణంలోని పశుసంవర్ధక శాఖ రైతు శిక్షణ భవన పరిసరాల్లో పూల మార్కెట్ను ఖాళీ చేయాలంటూ అధికారులు ఆదేశాలు జారీ చేయడంతో ఏం చేయాలో దిక్కుతోచక పూలను రోడ్డుపై పారబోసి నిరసన వ్యక్తం చేశారు.
వ్యాపారం చేసుకోవడానికి స్థలం లేకపోవడంతో తమ భవిష్యత్తు గందరగోళంగా ఏర్పడిందని ఆవేదన వ్యక్తం చేశారు. హిందూపురం-అనంతపురం వెళ్లే ప్రధాన రహదారిపై పూలను పారబోసి రాస్తారోకో నిర్వహించారు. అధికారులు నిరసనకారులతో చర్చించి నూతనంగా ఏర్పాటు చేసిన మున్సిపల్ కాంప్లెక్స్లో స్థలం కేటాయిస్తామని హామీ ఇవ్వడంతో ఆందోళన విరమించారు.
ఇవీ చదవండి:
