కరోనా జయించిన యద్దనపూడి ఎస్ఐ... సత్కరించిన సిబ్బంది

రాష్ట్రంలో కరోనాతో ప్రాణాలను సైతం లెక్కచేయకుండా పోలీసులు, డాక్టర్లు పోరాడుతున్నారు. కొంతమంది కొవిడ్​తో కోలుకోలేక మరణిస్తున్నారు. మరికొంత మంది వైరస్​తో పోరాటం చేసి తిరిగి విధుల్లో చేరుతున్నారు. ఇటీవల ప్రకాశం జిల్లా యద్దనపూడి ఎస్​ఐకి కరోనా సోకింది. ఆయన కరోనా నుంచి కోలుకుని విధుల్లోకి చేరటంతో పోలీసు సిబ్బంది ఘనంగా సత్కరించారు.

కరోనా మహమ్మరిని జయించి విధులకు హాజరైన ప్రకాశం జిల్లా యద్దనపూడి ఎస్ఐ వెంకటేశ్వర చౌదరిని పోలీసు సిబ్బంది ఘనంగా స్వాగతం పలికారు. కరోనా మహమ్మారిని జయించి తిరిగి విధులకు హాజరవ్వడంతో ఎస్ఐకి సిబ్బంది పూలు చల్లి, చప్పట్లతో స్వాగతం పలికారు. అనంతరం ఎస్ఐ వేంకటేశ్వర చౌదరితో కేకు కోయించారు. శాలువాతో సత్కరించారు. మండలంలోని పలువురు వైకాపా నాయకులు ఎస్ఐకి శుభాకాంక్షలు తెలియజేశారు.

కరోనా జయించిన యద్దనపూడి ఎస్.ఐ... సత్కరించిన పోలీసు సిబ్బంది

ఇవీ చదవండి