ఒంగోలులో అన్నార్తులకు కూరగాయలు పంపిణీ

లాక్​డౌన్​తో ఉపాధి కోల్పోయిన పేదలు, కార్మికులు, రోజువారీ కూలీలు ఉపాధి లభించక తీవ్ర ఇబ్బందులు పడుతున్నారు. వీరి ఇబ్బందులను గమనించి.. కొందరు దాతలు ముందుకు వస్తున్నారు. తమ వంతు సహాయం అందిస్తూ దాతృత్వాన్ని చాటుకుంటున్నారు.

లాక్​డౌన్​తో పేద ప్రజలు అవస్థలు పడుతున్నారన్న ఉద్దేశంతో ప్రకాశం జిల్లా ఒంగోలులో వైకాపా నాయకులు కూరగాయలు పంపిణీ చేశారు. గాంధీనగర్​లో 33 వార్డు వైకాపా నేత భాస్కర్‌ రెడ్డి ఆద్వర్యంలో ఈ కార్యక్రమం నిర్వహించారు. ఈ కార్యక్రమం ప్రారంభంలో ప్రజలు సామాజిక దూరం పాటించినప్పటికీ.. కూరగాయలు అయిపోతాయేమోనన్న ఆందోళనతో ప్రజలు గుంపులుగా గుమిగూడారు. ఫలితంగా వైరస్ వ్యాప్తి చెందే అవకాశం మరింత ఎక్కువగా ఉందని స్థానికులు ఆందోళన చెందుతున్నారు.

ఇదీచదవండి.