గురుకుల పాఠశాలల్లో లీడ్ ఇండియా ట్వంటీ...20

సాంఘీక సంక్షేమ గురుకుల పాఠశాలల్లోని విద్యార్థులకు లీడ్ ఇండియ కార్యక్రమం పేరిట 5 రోజులపాటు శిక్షణ ఇస్తున్నారు.

మాజీ రాష్ట్రపతి అబ్దుల్‌ కలామ్‌ కలల నుంచి ఉధ్భవించిన కార్యక్రమం- లీడ్‌ ఇండియా. టీనేజర్లపై దృష్టి పెట్టాలనే ఉద్దేశ్యంతో రాష్ట్రంలోని పలు పాఠశాలల్లో ఈ కార్యక్రామాన్ని చేపడుతున్నారు. అందులో భాగంగా సాంఘీక సంక్షేమ గురుకుల పాఠశాలల్లో విద్యార్థులను ఎంపిక చేసి 5 రోజులపాటు శిక్షణ ఇస్తున్నారు. ప్రకాశం జిల్లా దర్శి జిఎమ్సీ బాలయోగి గురుకుల పాఠశాలలో ప్రకాశం , గుంటూరు, నెల్లూరు జిల్లాలకు చెందిన 153 మంది విద్యార్థులను లీడ్‌ ఇండియా శిక్షణ కార్యక్రమం ఇస్తున్నారు. లక్ష్యాలు ఎలా నిర్ణయించుకోవాలి. మంచి వ్యక్తిత్వం ఎలా పెంపొందించుకోవాలి? క్రమశిక్షణ , సామాజిక బాధ్యత కలిగి ఉండటం వంటి అనేక విషయాలపై లీడ్‌ ఇండియా కార్యక్రమ నిర్వాహకులు అవగాహన కల్పిస్తున్నారు.

ప్రతి పాఠశాల నుంచి 9 మంది విద్యార్థులు ఈ శిక్షణ తీసుకుంటున్నారు. అలా నేర్చుకున్న విద్యార్థులు, వారి పాఠశాలల్లో మిగతా విద్యార్థులు నేర్పిస్తారు. అబ్దుల్‌ కలామ్ , ఆయన స్నేహితుడు ఆచార్య 2004లో స్థాపించిన లీడ్‌ ఇండియా కార్యక్రమం ద్వారా విద్యార్థుల్లో మార్పునకు కృషిచేస్తున్నారు. ఈ శిక్షణతో తమలో విశేషమైన మార్పు వచ్చిందని, తమకు ఒక లక్ష్యం ఏర్పడిందని విద్యార్థులు ఆనందం వ్యక్తం చేస్తున్నారు.
విద్యార్థుల్లో మానవతా విలువలు, లక్ష్యాలు సాధనకు లీడ్‌ ఇండియా చేస్తున్న కార్యక్రమం మంచి ఫలితాలు ఇస్తుందంటున్నారు నిర్వాహకులు.