సారా తయారీపై అధికారులకు సమాచారం ఇచ్చిన వ్యక్తిపై దాడి

ప్రకాశం జిల్లాలోని పలు ప్రాంతాల్లో నాటుసారా తయారీదారులు రెచ్చిపోతున్నారు. సారా తయారీపై అధికారులకు సమాచారం ఇచ్చిన వారిపై దాడులు చేస్తున్నారు. తాజాగా కొత్తూరులో ఓ యువకుడిపై దాడికి పాల్పడ్డారు సారా అక్రమ తయారీ దారులు. ఈ ఘటపై పోలీసులు కేసు నమోదు చేసుకుని దర్యాప్తు చేస్తున్నారు.

ప్రకాశం జిల్లా తర్లుపాడు మండలం కొత్తూరులో ఓ యువకుడిపై దాడి జరిగింది. గ్రామంలో అక్రమంగా నాటుసారా తయారు చేస్తున్నారని ఖాసిం అనే వ్యక్తి ఎక్సైజ్ పోలీసులకు ఫిర్యాదు చేశాడు. ఈ ఘటనతో కోపోద్రిక్తుడైన నాటుసారా విక్రయదారుడు రసూల్... ఖాసింపై దాడి చేశాడు. తీవ్ర గాయాలపాలైన బాధితుడు అధికారులను ఆశ్రయించాడు. తనపై, తన కుటుంబంపై నాటుసారా తయారీ, విక్రయ దారులు దాడులకు పాల్పడుతున్నారని, వారి నుంచి రక్షించాలంటూ వేడుకున్నాడు.

ఇదీ చదవండి: