అప్పుడు మద్దతుదారులు....ఇప్పుడు ప్రత్యర్థులు..!

అద్దంకి నియోజకవర్గంలో 2 పర్యాయాలు మద్దతుదారులుగా ఉన్న నాయకులు  నేడు ప్రత్యర్థులుగా మారారు... ఒకవైపు తెదేప తరఫున గొట్టిపాటి రవికుమార్ ఎన్నికల బరిలోకి దిగగా... మరోవైపు వైకాపా తరఫున మాజీ ఎమ్మెల్యే బాచిన చెంచు గరటయ్య పోటీకి నిలిచారు.

అద్దంకి నియోజకవర్గంలో 2పర్యాయాలు మద్దతుదారులుగా ఉన్న నాయకులు నేడు ప్రత్యర్థులుగా మారారు... ఒకవైపు తెదేప తరఫున గొట్టిపాటి రవికుమార్ ఎన్నికల బరిలోకి దిగ్గా... మరోవైపు వైకాపా తరఫున మాజీ ఎమ్మెల్యే బాచిన చెంచు గరటయ్య పోటీకి నిలిచారు. 2009లో కాంగ్రెస్ అభ్యర్థిగా గొట్టిపాటి రవికుమార్ పోటీ చేశారు అప్పటివరకు తెదేపాలో ఉన్న మాజీ ఎమ్మెల్యే గరటయ్య... దివంగత ముఖ్యమంత్రి వైఎస్ రాజశేఖర్ రెడ్డి పిలుపు మేరకు కాంగ్రెస్‌లో చేరారు. అ ఎన్నికల్లో రవి కుమార్‌కు సంఘీభావం ప్రకటించారు. 2014 ఎన్నికల్లోనూ వైకాపా తరఫున పోటీ చేసిన రవికుమార్​కు, గరటయ్య మద్దతుగా నిలిచారు. ఈ 2 ఎన్నికల్లో రవికుమార్ గెలుపునకు గరటయ్య ఎంతగానో కృషి చేశారు. తాజాగా గొట్టిపాటి రవికుమార్ తెలుగుదేశం పార్టీ నుంచి పోటీకి సిద్ధమవ్వగా... వైకాపా నుంచి గరటయ్య రంగంలోకి దిగారు. గతంలో 2 పర్యాయాలు మద్దతుదారుగా ఉన్న రవికుమార్, గరటయ్యలు తాజాగా ప్రత్యర్థులుగా పోటీ హోరా హోరీగా ప్రచారాల్లో ముందుకు సాగిపోతున్నారు.