కరణం బలరాం తప్పుడు వివరాలు ఇచ్చారు: ఆమంచి

ప్రకాశం జిల్లా చీరాల అసెంబ్లీ స్థానం నుంచి ఎమ్మెల్యేగా గెలుపొందిన కరణం బలరాం... ఎన్నికల అఫిడవిట్​లో తప్పుడు వివరాలు పొందుపర్చారని మాజీ ఎమ్మెల్యే ఆమంచి కృష్ణమోహన్ ఆరోపించారు.

చీరాల అసెంబ్లీ నియోజకవర్గం నుంచి ఎన్నికైన కరణం బలరాం ఎన్నికల అఫిడవిట్​లో తప్పుడు వివరాలు పొందుపర్చారని మాజీ ఎమ్మెల్యే ఆమంచి కృష్ణమోహన్ ఆరోపించారు. ఆయనకు నలుగురు సంతానం అయితే... అఫిడవిట్​లో ముగ్గురు సంతానం అని తప్పుగా పేర్కొన్నట్లు తెలిపారు. విజయవాడ వైకాపా రాష్ట్ర కార్యాలయంలో మాట్లాడిన ఆయన.. కరణం బలరాంకు నలుగురు సంతానమని... కరణం అంబిక కృష్ణ ఆయన కూతురేనని చెప్పారు. అంబిక కృష్ణ జనన ధ్రువీకరణ పత్రం, ఇతర సర్టిఫికెట్​లు, ఆధార్ కార్డు అందుకు ఆధారమని పేర్కొన్నారు. తప్పుడు వివరాలతో అఫిడవిట్ దాఖలు చేసినందుకు బలరాంను అనర్హుడిగా ప్రకటించాలని హైకోర్టును ఆశ్రయించినట్లు తెలిపారు.

ఇదీ చదవండీ...