ప్రపంచంలోనే మొట్టమొదటి సారిగా కృష్ణాష్టమి వేడుకలను అంగరంగ వైభవంగా నిర్వహించేందుకు "ఇంటర్నేషనల్ సొసైటీ ఫర్ కృష్ణ కాన్షియస్‌నెస్" వారు భారీ ఎత్తున ఏర్పాట్లు చేస్తున్నారు. శ్రీ కృష్ణ జన్మాష్టమి విశిష్ఠతను ప్రపంచవ్యాప్తంగా తెలియజేసేందుకు ఈ వేడుకలను అగస్టు 1 నుంచి 20వ తేదీ వరకు నిర్వహిస్తున్నామని నిర్వాహకులు తెలిపారు. ఈ కార్యక్రమంలో ఏడు ఖండాల్లోని 80 దేశాలకు చెందిన ప్రజలు ఎవరైనా పాల్గొనవచ్చని తెలిపారు.
ఈ వేడుకల్లో భాగంగా.. 50 కంటే ఎక్కువ ఈవెంట్లు నిర్వహిస్తున్నామని, ఇందులో 300 కంటే ఎక్కువ సబ్ కేటగీరిలు ఉన్నాయని చెప్పారు. ఈ పోటీలలో నాలుగు నెలల పిల్లల నుంచీ.. 80 ఏళ్ల వయసుకున్న వారి వరకు పాల్గొనవచ్చు. ఇందుకోసం ఎలాంటి రుసుమూ చెల్లించాల్సిన అవసరం లేదని నిర్వాహకులు తెలిపారు. ఈ పోటీలో పాల్గొనే వారు చేయాల్సిన పని ఏమంటే.. తమకు నచ్చిన ఏదైనా అంశంపై వీడియో రూపొందించి ఆన్లైన్ ద్వారా పంపించాలి.
ప్రపంచవ్యాప్తంగా ఉన్న ఎవరైనా, ఎప్పుడైనా, ఏ సమయంలోనైనా తమకు నచ్చిన వీడియోను రూపొందించి పంపాలని నిర్వాహకులు కోరారు. వాటిని పరిశీలించి విజేతలను ప్రకటిస్తామని తెలిపారు. ఈ పోటీల్లో పాల్గొనే వారందరికీ సర్టిఫికేట్లు ప్రదానం చేస్తామని తెలిపారు. విజేతలకు సర్టిఫికెట్లతోపాటు బహుమతులు సైతం ఇవ్వనున్నట్టు తెలిపారు. ఈ కార్యక్రమనికి సంబంధించిన అదనపు వివరాల కోసం.. 8919717982, 9701839381 నంబర్లకు ఫోన్ చేయాలని.. మెయిల్ కోసం.. cmkdasa@gmail.comను సంప్రదించాలని సూచించారు.
ఇవీ చదవండి:
