ఫోన్​ మాట్లాడుతూ డ్రైవింగ్..ఆర్టీసీ బస్సు డ్రైవర్​కు షాక్​

రోడ్డు ప్రమాదాలు నివారించేందుకు పోలీసులు అనేక చర్యలు చేపడుతున్నారు. వాహనదారులకు ఎప్పటికప్పుడు అవగాహన కల్పిస్తున్నారు. ప్రతి నిత్యం జరిమానాలు విధించడంతో పాటు.. డ్రైవింగ్​ లైసెన్సులు రద్దు చేయడం లాంటి చర్యలు చేపడుతున్నారు. అయితే పోలీసులు ఎన్ని చర్యలు చేపట్టినా ప్రమాదాలు జరుగుతూనే ఉన్నాయి. ఇదిలా ఉంటే పోలీసులు మమ్మల్ని ఏం చేయరనే భావనతో ఆర్టీసీ డ్రైవర్లు రయ్​మంటూ సిగ్నళ్లు జంప్​ చేయడమే కాకుండా.. రాష్​గా డ్రైవింగ్​ చేస్తుంటారు. అయితే పోలీసులు ఆర్టీసీ డ్రైవర్లకు స్పెషల్​ ప్రోగ్రామ్​ పెట్టి అవగాహన కల్పించినా తీరు మారడం లేదు. దీంతో పటిష్ఠమైన చర్యలకు పోలీసులు సిద్ధమయ్యారు.

నెల్లూరు జిల్లా ఆత్మకూరులో ఓ ఆర్టీసీ బస్సు డ్రైవర్​కు జరిమానా విధించారు పోలీసులు. బస్సు నడుపుతూ సెల్ ఫోన్ లో మాట్లాడుతున్న డ్రైవర్​ను గమనించిన పోలీసులు రూ. 2,000 జరిమానా విధించారు. మెుదటి తప్పుగా భావిస్తూ కౌన్సిలింగ్ ఇచ్చి.. జరిమానా విధించినట్లు ఆత్మకూరు ఎస్ఐ శివశంకర్ రావు తెలిపారు. వాహన నిబంధనలు అతిక్రమిస్తే చర్యలు తప్పవని హెచ్చరించారు.

ఇదీ చదవండి: