నగర అభివృద్ధికి ప్రత్యేక ప్రణాళికలు: మంత్రి అనిల్​ కుమార్​

నెల్లూరు నగరాన్ని అన్ని విధాలా అభివృద్ధి చేసేందుకు అవసరమైన చర్యలు చేపడుతామని రాష్ట్ర జలవనరుల శాఖ మంత్రి అనిల్ కుమార్ యాదవ్ తెలిపారు. మున్సిపల్​ కార్పొరేషన్ కార్యాలయంలో అధికారులతో మంత్రి సమీక్ష నిర్వహించారు.

నెల్లూరు నగర కార్పొరేషన్​ రూపురేఖలు మార్చేందుకు సమగ్ర ప్రణాళికలతో ముందుకు సాగుతామని రాష్ట్ర జలవనరుల శాఖ మంత్రి అనిల్ కుమార్ యాదవ్ తెలిపారు. నెల్లూరు మున్సిపల్​ కార్పొరేషన్ కార్యాలయంలో అధికారులతో మంత్రి సమీక్ష నిర్వహించారు. మున్సిపాలిటీ పరిధిలో శానిటేషన్​ను మరింత మెరుగుపరిచేందుకు చర్యలు చేపడుతామన్నారు.

కొవిడ్ కారణంగా ఆదాయం గణనీయంగా తగ్గిందన్న మంత్రి.... ఖర్చులు తగ్గించి, ఆదాయ వనరులు పెంచుకోవాల్సిన అవసరం ఉందన్నారు. కార్పొరేషన్​కు రావాల్సిన బకాయిలపై దృష్టి సారించాలని అధికారులకు సూచించారు. అన్నింటిని సమన్వయం చేసుకుంటూ నగరాన్ని అభివృద్ధి పథంలో నడిపిస్తామన్నారు.

ఇదీ చూడండి: 'రాష్ట్ర సమస్యల పరిష్కారానికే ముఖ్యమంత్రి దిల్లీ పర్యటన'