గిరిజనుల కోసం నెల్లూరులో న్యాయ సేవల శిబిరం

గిరిజనుల సమస్యల పరిష్కారం కోసం గొలమూడిలో ఈనెల 22వ తేదీన న్యాయ సేవల శిబిరాన్ని నిర్వహిస్తున్నట్లు లోక్ అదాలత్ న్యాయమూర్తి సుధా తెలిపారు.

నెల్లూరు జిల్లా వెంకటాచలం మండలం గొలమూడిలో ఈనెల 22వ తేదీన న్యాయ సేవల శిబిరాన్ని నిర్వహించనున్నారు. ఈ శిబిరానికి పలు ప్రభుత్వ శాఖల అధికారులతో పాటు న్యాయమూర్తులు హాజరవుతారని లోక్ అదాలత్ న్యాయమూర్తి సుధా తెలిపారు. నల్సా గిరిజన హక్కులు, రక్షణ అమలు పథకం కింద ఈ కార్యక్రమం చేపడుతున్నామని వెల్లడించారు. ప్రభుత్వం ద్వారా గిరిజనులకు ఉండే పథకాలు, రాయితీలు అందేలా చూడటం, వారి సమస్యల పరిష్కారానికి కృషి చేయడంతో పాటు న్యాయ సహాయం అందించేందుకే ఈ శిబిరం ఏర్పాటు చేస్తున్నట్లు ఆమె తెలిపారు.

ఇదీచూడండి.గ్రామీణ బ్యాంకులో గోల్​మాల్..మేనేజర్ ఖాతాలో రూ.12 లక్షలు..!