అత్తతో భూ వివాదం.. కర్రతో కోడలు దాడి

ఆస్తి వివాదాలతో అత్తపై కోడలు దాడి చేసింది. ఈ సంఘటన నెల్లూరు జిల్లా ఇందుకూరుపేట మండలం గంగపట్నంలో జరిగింది. భూ వివాదంపై జరిగిన ఘర్షణలో మరో వ్యక్తితో కలిసి కర్రతో దాడి చేయడంతో ఆమెకు తీవ్ర గాయాలయ్యాయి.

ఆస్తి తగాదాల కారణంగా అత్తపై కోడలు దాడి చేసిన సంఘటన నెల్లూరు జిల్లా ఇందుకూరుపేట మండలం గంగపట్నంలో కలకలం సృష్టించింది. గ్రామంలో ఎకరా 20 సెంట్ల పొలం విషయంలో ఇరువురి మధ్య నెలకొన్న వివాదమే ఈ ఘర్షణకు కారణమైంది.

మాటా మాటా పెరిగి.. అత్త రుక్మణమ్మపై మరో వ్యక్తితో కలిసి కోడలు లక్ష్మి.. కర్రతో దాడి చేసింది. ఈ ఘటనలో రుక్మిణమ్మకు తీవ్ర గాయాలు కాగా.. స్థానికులు నెల్లూరు ప్రభుత్వ ఆసుపత్రి​కి తరలించారు. విషయం తెలుసుకున్న పోలీసులు విచారణ చేస్తున్నారు.

ఇదీ చదవండి: