ఓ వివాహేతర సంబంధం రోడ్డుకెక్కింది. నెల్లూరు పొగతోటలో బాల కోటేశ్వరరావు అనే వ్యక్తి హోమియో వైద్యుడిగా పనిచేస్తున్నాడు. అతని వద్ద పని చేసే ఓ మహిళ.. కొన్నేళ్లుగా వైద్యుడు తనతో సహజీవనం చేస్తూ ఇటీవల తనను మోసం చేశాడని ఆరోపించింది. అతని వైఖరి నచ్చక కొంత కాలంగా దూరంగా ఉంటున్నానని తెలిపింది. నేడు కలవాలంటూ పిలిపించిన బాల కోటేశ్వరరావు.. తిరిగి తన వద్దకు రావాలంటూ బలవంతం చేశాడని ఆరోపించింది. అందుకు నిరాకరించటంతో తనపై దాడికి దిగాడని తెలిపింది. మరోవైపు ఆ మహిళ తనను ఇబ్బంది పెడుతోందని ఆ వైద్యుడు ఆరోపించాడు.
కొన్ని గంటలు పాటు జరిగిన వీరిరువురి వాదనలో.. ఒకరిపై మరొకరు దాడులు చేసుకున్నారు. రాళ్లు, చెప్పులు, దూషణలతో ఘర్షణ పడ్డారు. స్థానికులు వీరిని నిలువరించేందుకు ప్రయత్నించినా వినిపించుకొలేదు. పక్కనే ఉన్న ప్రైవేటు ఇంజనీరింగ్ కాలేజీ ఎదుట ఈ వివాదం జరగటంతో.. కాలేజీ సిబ్బంది కలగజేసుకొని.. ఇరువురిని అక్కడ నుంచి వెళ్లగొట్టారు. నాలుగవ పట్టణ పోలీస్ స్టేషన్లో పోలీసులు విచారణ ప్రారంభించారు.
ఇదీ చదవండీ.. DWAKRA WOMEN MONEY SCAM: డబ్బులు కొట్టేశాం.. వాటాలు పంచుకున్నాం..
