చెన్నైలో కరోనా కేసులు...గుడూరులో అప్రమత్తత !

చెన్నైలోని కోయంబేడు మార్కెట్​లో కరోనా పాజిటివ్ కేసులు నమోదవుతుండటంతో నెల్లూరు జిల్లా గుడూరులో అధికారులు అప్రమత్తయ్యారు. నిత్యం కోయంబేడు మార్కెట్ నుంచి గూడూరుకు కూరగాయలు దిగుమతి అవుతుండంతో కరోనా నివారణ చర్యలు ముమ్మరం చేశారు.

నెల్లూరు జిల్లా గూడూరు డివిజన్​లో ఇప్పటివరకు కోయంబేడు మార్కెట్​తో సంబంధాలు కలిగిన 54 మందిని అధికారులు గుర్తించారు .ఇప్పటికే గూడూరు డివిజన్ లో 14 కేసులు నమోదు అయ్యాయి. తాజాగా చెన్నైలోని కోయంబేడు మార్కెట్​లో కరోనా కేసులు నమోదవడంతో అధికారులు అప్రమత్తమయ్యారు.

నిత్యం కోయంబేడు మార్కెట్ నుంచి గూడూరుకు కూరగాయలు దిగుమతి అవుతుంటాయి. ఈ క్రమంలో అధికారులు కోయంబేడు మార్కెట్​తో సంబంధాలు ఉన్న వారిని గుర్తించారు. వారిలో సుమారు 32 మందిని క్వారంటైన్​కు తరలించి వారి శాంపిల్స్ సేకరించారు.