పారిశుద్ధ్య కార్మికుల నిరసన.. వేతనాల కోసం ఆవేదన

వాళ్లు కరోనా ఆపత్కాలంలో సైతం బెదరక విధులు నిర్వహించారు. బాధ్యతగా ప్రజలకు సేవలందించారు. ఇప్పుడు వారే కుటుంబ పోషణ భారమై నిరసన బాట పట్టారు. 7 నెలలుగా వేతనాలు అందడం లేదని ఆవేదన వ్యక్తం చేశారు. ఇప్పటికైనా అధికారులు స్పందించాలని వినతిపత్రం సమర్పిచారు. లేదంటే.. ఈనెల 20 తర్వాత సమ్మె చేపడతామని హెచ్చరించారు.

పెండింగ్​లో ఉన్న తమ వేతనాలను వెంటనే మంజూరు చేయాలని డిమాండ్ చేస్తూ సీఐటీయూ ఆధ్వర్యంలో నెల్లూరు జిల్లా ఉదయగిరి మేజర్ పంచాయతీ పారిశుద్ధ్య కార్మికులు నిరసన తెలిపారు. స్థానిక తహసీల్దార్ హరనాథ్​ను కలిసి వినతి పత్రం అందజేశారు. కార్యాలయం ఎదుట నినాదాలు చేశారు. కరోనా ఆపత్కాలంలోనూ బాధ్యతగా విధులు నిర్వహించామని గుర్తుచేశారు.

అధికారులు మాత్రం తమ సమస్యపై నిర్లక్ష్యంగా వ్యవహరిస్తూ కాలయాపన చేస్తున్నారని ఆవేదన వ్యక్తం చేశారు. 7 నెలలుగా వేతనాలు అందకపోవటం వల్ల కుటుంబ పోషణ భారంగా మారి, తీవ్ర ఇబ్బందులు ఎదుర్కొంటున్నామని వివరించారు. అధికారులు చొరవచూపి వెంటనే వేతనాలు మంజూరు చేయాలని కోరారు. లేదంటే ఈనెల 20 తర్వాత సమ్మె చేపడతామని హెచ్చరించారు.

ఇదీ చదవండి: