నెల్లూరు ప్రభుత్వ ఆసుపత్రిలో చికిత్స పేరుతో వదిలి వెళ్లిన బాబును ఐసీడీఎస్ అధికారులకు అప్పగించనున్నట్టు వైద్యాధికారులు తెలిపారు. చికిత్స కోసం 4 నెలల క్రితం ఓ మహిళ ఈ బాబును ప్రభుత్వ ఆస్పత్రిలో చేర్చి వెళ్లిపోయింది. అప్పటి నుంచి ఆమె తిరిగి రాకపోవటంతో బాబుకు అన్నీ తామై వైద్య సిబ్బంది సేవ చేస్తున్నారు. ఈ విషయంపై వైద్యులు పోలీసులకు ఫిర్యాదు చేశారు. ప్రస్తుతం బాబు కోలుకోవటంతో వైద్యాధికారులు ఐసీడీఎస్ అధికారులకు అప్పగించనున్నారు. ఇటీవల అపహరణకు గురై దొరికిన ఓ పాపను, చికిత్స పొందుతూ తల్లి మృతి చెందిన మరో పాపను... వారి కుటుంబ సభ్యులకు వైద్యాధికారులు అప్పగించారు.
ఇవీ చూడండి- ఇక నుంచి ఆ నలుగురు భాజపా పెద్దలు
