drug gang in Rachakonda: సోమవారం ఉదయం హైదరాబాద్లోని రాచకొండ కమిషనరేట్ పరిధిలో పట్టుకున్న అంతర్జాతీయ డ్రగ్స్ ముఠాపై రాచకొండ సీపీ మహేశ్ భగవత్ మీడియా సమావేశం నిర్వహించారు. ముఠాకు సంబంధించిన వారందరూ చెన్నై వాసులుగా గుర్తించామని తెలిపారు. వారి దగ్గర నుంచి 8 కిలోల డ్రగ్స్ స్వాధీనం చేసుకున్నట్లు ఆయన పేర్కొన్నారు. స్వాధీనం చేసుకున్న డ్రగ్స్ విలువ రూ. 9 కోట్లు ఉంటుందని ప్రకటించారు. ఒక్కో గ్రాము రూ.10 వేలకు విక్రయిస్తున్నట్లు నిందితులు తెలిపారని ఆయన వివరించారు.
హైదరాబాద్ నుంచి కొరియర్ ద్వారా విదేశాలకు డ్రగ్స్ సరఫరా చేస్తున్న ఈ ముఠా.. కాటన్ వస్త్రాలుగా ఎగుమతి చేస్తున్నట్లు వివరించారు. నిందితులు నుంచి రూ. 4 లక్షలు, 9 చరవాణులు, 5 పాస్పోర్టులు స్వాధీనం చేసుకున్నట్లు సీపీ మహేశ్ భగవత్ తెలిపారు. ఇందులో చాకచౌక్యంగా వ్యహరించిన పోలీసులకు ఆయన అభినందనలు తెలియజేశారు.
ఇవీ చదవండి:
